बारा, २ फागुन। बारा प्रहरीले अवैध लागूऔषध चरेश करिब ३५ किलोसहित दुई जना भारतीयलाई बुधबार बिहान पक्राउ गरेको छ। जितपुरसिमरा उपमहानगरपालिका २१ बाट करिब ३५ किलोसहित भारत उत्तर प्रदेश बरेध दिपाद कोतवाली बस्ने ४२ वर्षीय साफिर अली र सोही ठाउँ बस्ने ४४ वर्षीय मोहमद अबजाललाई प्रहरीले पक्राउ गरेको हो।
ईलाका प्रहरी कार्यालय अम्लेखगंजबाट खटिएको प्रहरीले हेटौंडाबाट वीरगंजतर्फ जाँदै गरेको यूपी ३२ एनएम ४४७६ नम्बरको कारलाई जाँच गर्ने क्रममा कारमा लुकाई राखेको उक्त चरेश फेला पारेको बारा प्रहरीले जनाएको छ।
प्रहरीले नियन्त्रणमा लिएका कार चालक साफिर र कारमा सवार मोहमदलाई आवश्यक अनुसन्धान गरिरहेको जनाएको छ।
