फाईल फोटो।
सिरहा, २८ माघ। सिरहा प्रहरीले कटुवा पेस्तोलसहित सिरहा सदरमुकामबाटै एक युवकलाई नियन्त्रणमा लिएको छ। सिरहा नगरपालिका ७ बाट एक थान कटुवा पेस्तोलसहित औरही गाउँपालिका ४ कमलपुरका २१ वर्षिय सरोज कुमार यादवलाई प्रहरीले नियन्त्रणमा लिएको हो।
सदरमुकाम सिरहामा डेरागरी बस्दैआएका औरही गाउँपालिका ३ का २२ वर्षिय संजिव कुमार यादवसँग विवाद हुँदैगर्दा वडा प्रहरीले सरोजलाई हतियार सहित नियन्त्रणमा लिएको जिल्ला प्रहरी कार्यालय सिरहाले जनाएको छ।
विवादमा संलग्न सरोजलाई नियन्त्रणमा लिई शरिर खानतलासी गर्दा उनको साथबाट पेस्तोल फेला परेको प्रहीले जनाएको छ।
पक्राउ गरेका यादवलाई जिल्ला प्रहरी कार्यालयमा राखेर थप अनुसन्धान गरिरहेको जनाएको छ।
