लहान, २० माघ। प्रहरीले प्रतिवन्धित लागु औषधसहित एकै परीवारका तीन जनालाई नियन्त्रणमा लिएको छ। विभिन्न प्रकारका प्रतिवन्धित लागु औषधसहित लहान गरपालिका ७ घर भई हाल ८ नम्वर वडामा डेरागरी बस्ने ५५ वर्षिय राजकुमार ठाकुर र उनका छोराहरु २९ वर्षिय प्रमोद र २५ वर्षिय राकेशलाई नियन्त्रणमा गरेको हो।
विशेष सूचनाको आधारमा लागूऔषध ब्युरो जनकपुर शाखा कार्यालय गोलबजार र इलाका प्रहरी कार्यालय लहान सिरहाबाट खटिएको संयुक्त टोलीले उनीहरुको साथबाट कोडबिल सय एमएलको १५ बोतल, वीक्सडीन सय एमएलको ६५ बोतल, डाईजीफाम ६ एम्पुल, फेनारगन ७ एम्पुल र नुरफ्रेन ६ एम्पुल बरामद गरेको जिल्ला प्रहरी कार्यालय सिरहाका सूचना अधिकारी राबिन्द्र राज पाण्डेले जानकारी दिए।
प्रहरीले उनीहरुको साथबाट एक लाख ३९ हजार नगद समेत बरामत गरेको छ।
प्रहरीले यस सम्वन्धमा थप अनुसन्धान गरिरहेको जनाएको छ।
