सिरहा, ३ माघ। सिरहा प्रहरीले दुईसय चार बोरा अवैध प्याज र प्याज बोकेको सवारीसाधन राजन्व अनुसन्धान कार्यालय इटहरीलाई बुझाएको छ।
विशेष सुचनाको आधारमा प्रहरीले पूर्वपश्चिम राजमार्ग अन्तर्गत सिराको धनगढीमाई नगरपालिका ९ मुसहर्नियाबाट प्याज बोकेको प्र. १–०२–००१ ख ९१६९ नम्वरको मिनि ट्रक नियन्त्रणमा लिई अनुसन्धान कार्यालयलाई बुझाएको हो।
गोप्य सुचनाका आधारमा ईलाका प्रहरी कार्यालय धनगढीबाट गएको प्रहरी टोलिले चार लाख आठ हजार मूल्य बरावरको दुईसय चार बोरा अवैध प्याज, प्याज बोकेको सवारीसाधन र चालक उदयपुर कटारी नगरपालिका ५ का २६ वर्षिय राजेश कटुवाललाई नियन्त्रणमा लिई आवश्यक कार्वाहीको लागि इटहरी पठाइएको जिल्ला प्रहरी कार्यालय सिरहाका सूचना अधिकारी रविन्द्र राज पाण्डेले जानकारी दिए।
जिल्लामा अनियन्त्रित तथा अवैधरुपमा प्याज भित्रिएको सूचनाहरु सामाजिक सञ्जालमा आउन थालेपछि प्रहरीको ध्यान जान थालेको देखिन्छ।
