सिरहा, २८ पुस। नेपाल रेडक्रस सोसाइटी कर्जन्हा उपशाखा सभापतिमा पुनः सरोज कुमार पासमान निर्वाचित भएको छ। सिरहाको कर्जन्हा नगरपालिका ७ मा रहेको उपशाखाको दोश्रो अधिवेशनबाट सभापति पासमान पुनः निर्वाचित भएको हो।
दोस्रो अधिवेशनको निर्वाचनले पासवानको सभापतित्वमा ११ सदस्यित उपशाखा कार्यसमिति चयन गरेको नेपाल रेडक्रस सोसाइटी शाखा कार्यालय सिरहाका उपसभापति तथा निर्वाचन अधिकृत सूर्य नारायण यादवले जानकारी दिए।
उपशाखाको उपसभापतिमा हेमकुमारी देवी, सचिवमा श्रीप्रसाद पासमान, कोषाध्यक्षमा इन्द्रा देवी मल्लिक, उपसचिवमा दिपक पासमान, उपकोषाध्यक्षमा नन्दन ठाकुर, महिला सदस्यमा ममता कुमारी पासमान, सदस्यमा रामयतन साह, रामअसेश्वर पासमान, हिरा सहनी र श्री प्रसाद मुखिया सर्वसम्मत निर्वाचित भएको छ।
कर्जन्हा उपशाखाा सल्लाहकार समितिको संयोजक तथा पुर्व मेयर गंगा पासमानको प्रमुख अतिथ्य र सिरहा शाखा उपसभापति तथा निर्वाचन अधिकृत सूर्य नारायण यादवको विशिष्ठ अतिथ्यमा अधिवेशन सम्पन्न भएको थियो।
अधिवेशनमा कर्जन्हा रेडक्रसले गरेको विभिन्न कार्यको प्रगति प्रतिवेदन र चुनौतीहरु प्रस्तुत गरिएको थियो।
