सिरहा, २१ पुस। भारतको पंजावस्थित सेलर मिलमा काम गरिरहेको आफन्तको खवरले सिरहाको बडियारपट्टि मृत्यु खबरले परिवार पीडामा परेका छन्।
बडियारपट्टी गाउँपालिका ३ नवटोलीका पंचा कामतको मृत्युको खवरले उनको परीवार चिन्तित बनेका हुन्।
आर्थिक विपन्नताका कारण भारतबाट लास ल्याउन नक्दा उनका परिवार झन ठूलो पीडामा परेका छन्। मृत्युको कारण हालसम्म खुलेको छैन। विहान बेलुका छाक टार्न मुश्किल भइरहेको बेला बुवाको लाश कसरी ल्याउने भन्ने चिन्तामा परेको कामतका छोरा नथुनी कामतले वताए। उनले स्थानीय सरकारसँगै सहयोगी हातहरुलाई बुवाको लाश ल्याउनमा सहयोग गरी दिन सबैमा अपिल समेत गरेका छन्।
चार छोरी र एक छोरा रहेका कामत परिवारको गुजाराको लागि पाँच महिना अघि ठेकेदारको साथलागेर भारत गएका थिए। कामतको मृत्यु खबरले ठेकेदार समेत फरार रहेको परिवारजनले जनाएको छ।
विहीबार साँझसम्म घर परिवारसँग कुराकानी गरेका कामतको मृत्यु कसरी भयो सो खुल्न नसकेको जनाइएको छ।
