बर्दिवास, ९ पुस। सिन्धुलीको सुनकोशीमा बसको ठक्करबाट मोटरसाइकलमा सवार दुई जनाको मृत्यु भएको छ।
मन्थलीबाट काठमाडौं आउँदै गरेको बागमती प्रदेश–०१–००६ ख ४५९३ नम्बरको अरनिको यातायातको बसले सिन्धुलीको सुनकोशी गाउँपालिका ३ बोहरेटारमा बा ६० प ३५४५ नम्बरको मोटरसाइलकललाई ठक्कर दिँदा दुईजनाको मृत्यु भएको हो।
दुर्घटनामा खोटाङको दिक्तेल १० की १८ वर्षीया मुनाकला राईको मृत्यु भएको जिल्ला प्रहरी कार्यालय सिन्धुलीका एसपी राजकुमार सिलवालले जानकारी दिए। उनको घटनास्थलमै मृत्यु भएको हो।
‘दुर्घटनामा मोटरसाइकल चालकको पनि मृत्यु भएको छ। ‘दुर्घटनामा गम्भीर घाइते भएका करिब ४० वर्षीय पुरुषको उपचारको क्रममा स्थानीय अस्पतालमा मृत्यु भएका हो। मृतक पुरुषको भने सनाखतको प्रयास भइरहेको एसपी सिलवालले बताए।
दुर्घटनापछि स्थानीयले मोटरसाइकलाई ठक्कर दिने बसमा आगजनी गरेका छन्।
घटनास्थलमा अहिले जिल्ला प्रहरी कार्यालय सिन्धुलीबाट डीएसपी चिरञ्जीवि दाहालको कमाण्डमा प्रहरी टोली खटिएको एसपी सिलवालले जानकारी दिए।
