लहान, २१ मंसिर। सिरहा प्रहरीले ठुलो परिमाणमा प्रतिवन्धित लागू पदार्थ ब्राउन सुगर सहित एक जनालाई पक्राउ गरेको छ। प्रहरीले लहान ८ माखन भोग होटलबाट सिरहाकै वडियारपट्टी गाउँ पालिका १ बडहरीका ४६ वर्षिय ग्रिस प्रसाद यादवलाई ४९ ग्राम नौ सय मिलिग्राम ब्राउन सुगर सहित आज अपरान्ह पक्राउ गरेको हो।
विशेष सूचनाको आधारमा लागू औषध नियन्त्रण ब्युरो शाखा कार्यालय धनुषा र प्रहरी चौकी लहानबाट खटिएको संयुक्त प्रहरी टोलिले होटलमा बसिरहेको अबस्थामा यादवमाथि शंका लागि चेकजाँच गर्ने क्रममा उनले लगाएको ज्याकेटको बायाँ पट्टीको खल्तीबाट प्लाष्टिकमा पोको पारी राखिएको प्लाष्टिक सहित ५१ ग्राम नौ सय मिलिग्राम ब्राउन सुगरसहित नियन्त्रणका लिएको जिल्ला प्रहरी कार्यालय सिरहाका सूचना अधिकारी डीएसपी रबिन्द्र राज पाण्डेले जानकारी दिए।
प्रहरीले उनले प्रयोग गरेको स ७ प ५९७ नम्वरको मोटर साईकलसमेत नियन्त्रणमा लिई आवश्यक अनुसन्धान गरिरहेको जनाएको छ।
