सिरहा, ३० कात्तिक। सिरहाको गोलबजार नगरपालिका ६ राधाकृष्ण मन्दिर टोलको कपडा गोदाममा बुधबार राती आगलागी हुँदा १७ लाख मूल्य बरामरको धनमाल जलेर क्षति भएको छ।
स्थानीय ३७ वर्षीय दुर्गेश कुमार साहको कपडा गोदाममा आगलागी हुँदा गोदामभित्र रहेका लत्ताकपडासहित करिब १७ लाख रुपैयाँ मूल्य बराबरको धनमाल जलेर नष्ट भएको इलाका प्रहरी कार्यालय गोलबजारले जनाएको छ।
बिद्युतको तार सर्ट भई गोदाममा आगलागी भएको भन्ने खबर प्राप्त हुनासाथ ईलाका प्रहरी कार्यालय गोलबजार र सशस्त्र बेश क्याम्प गोलबजारबाट गएको टोली, स्थानिय र दमकलको सहयोगमा आगो नियन्त्रणमा लिएको जनाएको छ।
विद्युत सष्टभएर आगलागी भएको भनियपनि प्रहरीले यस सम्वन्धमा थप अनुसन्धान गरिरहेको जनाएको छ।
