बर्दिवास, १७ कात्तिक। महोत्तरीमा आफैले चलाएको ट्याक्टर पल्टिएर किचिदा चालकको मृत्यु भएको छ।
आफैले चलाएको प्रदेश २–०२–००१ त १९६९ नम्बरको महोत्तरीको लोहरपट्टी नगरपालिका ८ भ्रमपुराको बिगही नदिको किनारमा आज अपारान्ह पल्टिदाँ महोत्तरीकै पिपरा गाउँपालिका ६ का ३६ वर्षिय रामगुलाम यादवको मृत्यु भएको हो।
ट्याक्टरले किचेका यादवको घटनास्थलमै मृत्यु भएको जिल्ला प्रहरी कार्यालय महोत्तरीका सूचना अधिकारी डीएसपी दिलीपकुमार गिरीले जानकारी दिए।
ट्याक्टर अनियन्त्रित भएर दुर्घटना भएको हुन सक्ने प्रहरीको अनुमान छ। मृतकको शव पोस्टमार्टमको लागि प्रादेशिक अस्पताल जलेश्वरमा राखिएको र घटना विषयमा थप अनुसन्धन गरिरहेको महोत्तरी प्रहरीले जनाएको छ।
