सिरहा, १४ कात्तिक। सिरहा प्रहरीले प्रतिवन्धित लागुपदार्थसहित एक युवकलाई पक्राउ गरेको छ। लहान नगरपालिका १२ भोटियाटोल चोकबाट लहान १३ का ३३ वर्षिय देबकान्त चौधरीलाई २ ग्राम ६० मिलि ग्राम ब्राउन सुगरसहित नियन्त्रणमा लिएको हो।
लागूपदार्थ ओसार पसार गरी रहेको भन्ने गोप्य सुचनाको आधारमा पुगेका प्रहरीले स. ९ प. ८२७४ नम्वरको मोटरसाईकललाई रोकि चेकजाँच गर्दा चौधरीको साथबाट लागुपदार्थ बरामद भएको जिल्ला प्रहरी कार्यालय सिरहाका सूचना अधिकारी डीएसपी राजेन्द्र राज पाण्डले जानकारी दिए।
प्रहरीले चौधरीको साथबाट प्लाष्टिकमा पोकोपारेको ब्राउन सुगर, तौल गर्ने डिजिटल सानो तराजु र मोटरसाइल बरामद गरेको छ।
घटनाबारे थप अनुसन्धान भईरहेको प्रहरीको भनाई छ।
