सप्तरी, ४ कात्तिक। हुलाकी राजमार्ग अन्तर्गत सप्तरीको विष्णुपुर गाउँपालिका १ जमुनीमा मोटरसाइकल दुर्घटना हुँदा एक युवकको आज मृत्यु भएको छ।
राजविराजबाट पश्चिम जाँदै गरेको स १० प ४७२ नम्बरको मोटरसाइकल आफैँ अनियन्त्रित भई दुर्घटना हुँदा सप्तरीको बोदेबरसाइन नगरपालिका १ का ३५ वर्षीय रेमन्त साह रहेको मृत्यु भएको हो।
दुर्घटनामापरी घाइते भएका साहको उपचारको क्रममा राजविराजस्थित गजेन्द्रनारायण सिंह अस्पताल राजविराजमा मृत्यु भएको डीएसपी ढुण्डीराज न्यौपानेले जानकारी दिए।
