सिरहा, १३ असोज। सिरहाको धनगढीमाई नगरपालिका ९, वडा कार्यालयले आधारभूत बिद्यालय जिरोमाईल, चैनपुरका विद्यार्थीहरुलाई बिद्यालय पोशाक बितरण गरेको छ। वडा कार्यालयले विद्यालयमा अध्यनरत नियमित आउनेमध्येका ७० जना बिद्यार्थीहरुलाई पोसाक वितरण गरेको हो।
विद्यार्थीसंख्या वृद्धिगर्न र नियमित विद्यालय आउने वातावरण तयार सृजना गर्न यहाँका विद्यार्थीहरुलाई पोसाक दिइएको वडाअध्यक्ष प्रकाश योञ्जनले जानकारी दिए। विद्यालयमा नियमित विद्यार्थीसंख्या कम उपस्थित हुनेगरेकाले उपस्थिति वृद्धिको लागि पोसाक वितरण गरेको वडा अध्यक्ष योञ्जनले बताए।
विद्यालयका प्रधानाध्यापक अशोक ठाकुरले प्रतिविद्यार्थी बट्र्याक सुट एक सेट र एक थानका दरले ज्याकेट वितरण गरेको जनाए।
विद्यालयको रजष्टरमा एक सय ६२ जना विद्यार्थी भएपनि नियमित ५० जनाको हाराहारीमा मात्र विद्यार्थी उपस्थित हुनेगरेको प्रधानाध्यापक ठाकुरले जानकारी दिए। उनले नियमित प्रयास गर्दा पनि उपस्थिति संख्या अझै सन्तोषजनक बनाउन नसकिएको उनले जिकिर गरे।
