सिरहा, ४ असोज। सिरहा प्रहरीले ठुलो परिमाणमा अवैध लागुऔषध सहित एक युवक पक्राउ गरेको छ। विभिन्न प्रकारका प्रतिवन्धित लागुऔषध सहित लहान नगरपालिका २ का २० वर्षीय सदानन्द महतोलाई प्रहरीले पक्राउ गरेको हो।
प्रहरले उनको साथबाट डाईजापाम एक सय ५३ एम्पुल, ब्युप्रोनोरफिम एक सय ५४ एम्पुल, फेनारगन एक सय ९० एम्पुल गरी चार ९७ एम्पुल लागुऔषध फेला पारेको जिल्ला प्रहरी कार्यालय सिरहाका सूचना अधिकारी डीएसपी रविन्द राज पाण्डेले जानकारी दिए।
चेकजाँचको क्रममा उनले बोकेको कालो रङको झोलाभित्र प्लाष्टिकको पोका बनाई लुकाइ छिपाई राखेको अवस्थामा लहान ८ बाट नियन्त्रणमा लिएको हो। पक्राउ पछि थप अनुसन्धान भईरहेको जनाएको छ।
