काठमाडौं, २९ भदौ। हरेक पटकको विभूषण वितरणमा व्यापक आलोचना हुने गरेकाले नीति, मापदण्ड सम्बन्धि सुझाव कार्यदल बनाउने भएको छ। संविधान दिवसको अवसरमा विभूषण प्राप्त गर्नेको नाम सार्वजनिक हुने आम पूर्वसन्ध्यामा प्रक्रियागत रूपमै आलोचनारहित बनाउन सरकारले नीति, मापदण्ड सम्बन्धि सुझाव कार्यदद गठन गरेको हो।
आम रुपमा सरकारले विभूषण प्रप्त गर्नेको नाम सार्वजनिक गर्ने अनुमान गरिरहेको बेला सरकारले यसपालि मर्यादित दित बनाउन लागिएको बताएको छ।
आजको मन्त्रीपरिषद बैठकको निर्णयमा भनिएको छ, ‘संविधान दिवसको अवसरमा सम्माननीय राष्ट्रपतिज्यूबाट प्रदान गरिने विभूषण वितरण कार्यलाई मर्यादित एवम् थप व्यवस्थित गरी विभूषणको गरिमा बढाई राष्ट्रको सम्मानको रुपमा स्थापित गर्न अन्तर्राष्ट्रिय अभ्यास र विभूषणसम्बन्धी प्रचलित कानुनसमेतको अध्ययन गरी तीन महिनाभित्र प्रतिवेदन पेश गर्ने गरी कार्यदल गठन गर्ने, हाललाई विभूषण वितरण कार्य स्थगन गर्ने।’
विभूषणका लागि अयोग्यहरूले प्रभावका आधारमा मरिहत्ते गर्ने, विभूषित हुनुपर्नेहरूले भने त्यसको ओजलाई नै ‘सस्तो’ ठान्ने अवस्थाबीच हरेक चरणको विभूषण वितरण आलोचित हुँदै आएको छ। अब त्यसलाई नीतिगत रूपमै सच्याउन मन्त्रीपरिषद निर्णयबमोजिम तत्कालै सुझाव कार्यदल गठन गरिने जानकारी गृहमन्त्रालयको उच्च स्रोतले जनाएको छ।
