सिरहा, ४ भदौ। समाजवादी चिन्तक तथा नेपाली कांग्रेसका नेता स्वर्गीय प्रदीप गिरिको प्रथम स्मृति दिवसका अवसरमा सिरहाको लहानमा रक्तदान गरेका छन्।
नेपाली कांग्रेस लहान नगर कार्य समितिले आयोजना गरेको रक्तदान तथा श्रद्धाञ्जली कार्यक्रम ६२ जनाले गरेका थिए।
स्वर्गिय गिरीको सम्मानमा गाउँगाउँबाट रक्तदान गर्न युवाहरु आएको पार्टीका नगर सभापति शीतलप्रसाद चौधरीले जानकारी दिए। सोही क्रममा स्वर्गीय गिरिको तस्बिरमा फूल र अबिर अर्पण गरी उपस्थित नेता तथा समाजसेवीहरूले श्रद्धाञ्जली दिएका थिए।
कार्यक्रममा जिल्ला सभापति रामचन्द्र यादवसहित क्षेत्रीय तथा जिल्ला स्तरका पार्टीका नेताहरुको उपस्थिति रहेको थियो।
क्यान्साररोगले ग्रस्त नेता गिरिको गत वर्ष आजकै दिन उपचारको क्रममा निधन भएको थियो। स्वर्गीय गिरिको जन्म घर लहान नगरपालिका १४ वस्तीपुर हुन्। उनी यसक्षेत्रबाट पच्छिलो पटक २०७४ मा प्रतिनिधीसभा सदस्य निर्वाचित भएका थिए।
