कोशीमा पानीको बहाव उच्च भएपछि ५६ ढोका खोलियो, आवतजावत पूर्णरुपले बन्द

लहान, २९ साउन। सप्तकोसी नदीमा आएको बाढीका कारण उच्च खतरा देखिएपछि कोसी ब्यारेजका सबै ५६ वटै ढोका एकैपटक खोलिएका छन्। सप्तकोशी नदीमा २५ वर्ष यताकै पानीको बहाव उच्च मापन गरिएको भन्दै श्यारेजका सवै ढोकाहरु खोलिएको हो।
आज बिहान ४ बजे कोसी ब्यारेज कन्ट्रोल रुमले ४ लाख ६२ हजार ३ सय ४५ क्युसेक प्रति सेकेन्ड पानीको बहाव मापन गरेको कन्ट्रोल रुमले जनाएको छ।

सोमवार बिहान ६ बजेको मापन अनुसार ४ लाख ५२ हजार ७ सय १० क्युसेक प्रति सेकेन्ड पानीको बहाव मापन गरेको कन्ट्रोल रुमका कर्मचारी अमित यादवले बदबले जानकारी दिए। यादबका अनुसार ११ वर्षकै कोशीमा पानीको उच्च बहाव मापन गरिएको छ। अहिले व्यारेजमा आवतजावत बन्द गरिएको समेत बन्द गरिएको छ।

पहाडी क्षेत्रमा वर्षा भएसँगै कोशी नदीमा पानीको बहाव उच्च भएको छ। कोशीमा पानीको बहाव उच्च भए पनि कोसीले पूर्वी तटबन्धमा कुनै क्षति गरेको छैन। राजावा, प्रकाशपुर, मधुवनलगायत पूर्वी तटबन्धमा खतरा नरहेको बताइएको छ।
कोसी ब्यारेजका सबै ढोका खोल्नुपरेको यो तेस्रोपटक हो।