फाईल फोटो।
सिरहा, २८ साउन। सिरहा प्रहरीले अवैध लागु औषध गाँजा सहित एक जोष्ठ नागरिकलाई पक्राउ गरेको छ। बरियारपट्टी गाउँपालिका ४ तेनुवाट्टीबाट स्थानीय ६५ वर्षीय फुदन पासवानलाई ३६ केजी अवैध लागूऔषध गाँजा सहित पक्राउ गरेको हो।
लागूऔषध गाँजाको ओसारपसार गरिरहेको भन्ने खबर प्राप्त हुनासाथ ईलाका प्रहरी कार्यालय धनगढीबाट खटिएको प्रहरीले उनलाई पछ्याउदै बडियारपट्टी पुगेर नियन्त्रणमा लिएको जिल्ला प्रहरी कार्यालय सिरहाका सूचना अधिकारी डीएसपी रबिन्द्र राज पाण्डेले जानकारी दिए।
गाँजा लिएर आउँदै छ भन्ने सूचनाका आधारमा प्रहरीले पछ्याउँदै गएर पक्राउ गरेको प्रहरीको भनाई रहेको छ। धनगढीमाई नगरपालिकाको उत्तरी सीमाक्षेत्रबाट तस्करहरुले गाँजा भारतसम्म पुर्याउने गरेको जानकारहरु बताउँछन्।
पक्राउ परेका पासवानलाई आजै सिरहा जिल्ला अदालतबाट म्याद थप गरी आवश्यक अनुसन्धान गरिरहको प्रहरीले जनाएको छ।
