सर्लाही, २१ साउन। सर्लाही सदरमुकाम मलंगवामा एक अपरिचित युवकको शव फेला परेको छ।
मलंगवा नगरपालिका ९ मा रहेको श्रीमती कृष्णदेवी मावि प्रांगणमा आइतबार बिहान अन्दाजी २५ वर्षका जस्तो देखिने युवकको शव फेला परेको हो।
विद्यालय प्राङ्गणमा पहिचान खुल्न नसकेको शव फेला परेको जिल्ला प्रहरी कार्यालय सर्लाहीका सूचना अधिकारी डीएसपी दीपेन्द्र पञ्जियारले जानकारी दिए। युवकको हत्या भएको आशंका प्रहरीले गरेको छ।
आइतबार बिहान स्थानीयले विद्यालयको बरण्डामा युवकको शव देखेपछि प्रहरीलाई खबर गरेका थिए। प्रहरीले शव पोस्टमार्टमका लागि प्रादेशिक अस्पताल मलंगवा लगेको छ।
घटनाको सम्बन्धमा थप अनुसन्धान भइरहेको प्रहरीले जनाएको छ।
