सिरहा, २८ असार। सिरहा गोलबजारमा ट्रकले किचेर एक बालकको मृत्यु भएको छ।
गोलबजार–लगडीगदियानी भित्री सडक अन्तर्गत गोलबजार नपा १२ बेतौनाका १४ वर्षिय पंकज महतोको प्र. ३–०१–००३ ख ७५३२० नम्वरको ट्रकले किचेर मृत्यु भएको हो।
उत्तरबाट दक्षिणतर्फ गईरहेको ट्रकले पैदलयात्रि महतोलाई किच्दा उनको घटना स्थलमै मृत्यु भएको इलाका प्रहरी कार्यालय गोलबजारले जनाएको छ।
घटनाबारे थप अनुसन्धान भईरहेको छ। शवको पोष्टमार्टम आजै प्रदेशिक अस्पताल लहानमा भएको छ।
