लहान, ५ जेठ। उदयपुरमा टिफरको ठक्करबाट चार वर्षिया एक बालिकाको मृत्यु भएको छ। मदन भण्डारी राजमार्ग अन्तर्गत बेल्टारबाट रामपुर तर्फ जाँदै गरेको मधेश प्रदेश २–०३–०००१ ख ४३०९ नम्बरको टिफरको ठक्करबाट बेलका नगरपालिका ४ लालबजारका नवराज राना मगरको ४ वर्षिय छोरी एन्जिलाको मृत्यु भएको हो।
यस्तै घटनाले स्थानीय आन्दोलित भएपछि ठक्करदिने टिफरमा आग्जनी गरेको प्रहरीले जनाएको छ। दुर्घटना स्थलमा बाक्लो प्रहरी परिचलान गरेको छ भने पूर्व पश्चिम जाने सवारी साधनहरुलाई विरेन्द्र चोकदेखि तपेश्वरी भागलपुर हुँदै रामपुरको बैकल्पिक बाटो पठाई रहेको प्रहरीले जनाएको छ।
बालिकाको घटनास्थलमै मृत्यु भएको प्रहरीले जनाएको छ। ठक्करदिने टिफर र चालक इलाका प्रहरी कार्यालय रामपुरको नियन्त्रणमा रहेको छ।
