सिरहा, १६ चैत। सिरहा प्रहरीले प्रतिवन्धित लागूपदार्थ खौरो हेरोइन सहित तीन युवकलाई नियन्त्रणमा लिएको छ। विशेष सुचनाको आधारमा मिर्चैया नगरपालिका ६ कटारी चोकबाट अवैध लागूदार्थ खैरो हेरोइन जस्तो देखिने पदार्थ १८ ग्राम ५३ मिलिग्रामसहित मिर्चैया नगरपालिका ६ का २५ वर्षीय जितेन्द्र साह, वार्ड नम्वर १० का २५ वर्षीय ललित कुमार राम र वार्ड नम्वर ३ का २४ वर्षीय देवन यादवलाई पक्राउ गरेको हो।
इलाका प्रहरी कार्यालय मिर्चैयाले विशेष सुचनाको आधारमा पछ्याउँदै जाँदा फेलापारी मधेश प्रदेश ०१–००४ प २५६६ नम्बरको मोटरसाइकललाई जाँच गर्ने क्रममा उक्त पदार्थसहित उनीहरुलाई नियन्त्रणमा लिएको जनाएको छ।
पक्राउाउ परेकाहरुको बारे थप अनुसन्धान भईरहेको प्रहरीले जनाएको छ।
