सिरहा, २० पुस। सिरहा प्रहरीले अवैध लागूपदार्थ ब्राउन सुगर सहित दुई जनालाई नियन्त्रणमा लिएको छ। प्रहरीले लहान नगरपालिका २० हरिनगराबाट स्थानीय २० वर्षिय सिदार्थ चौधरी लहान नगरपालिका १ का २७ वर्षिय सुरेश साह सुडीलाई ९२० मिलीग्राम ब्राउन सुगरसहित नियन्त्रणमा लिएको हो।
प्रदेश २–०१–००२ प. ८८४६ नम्वरको मोटरसाईकललाई शंकालागी चेकजाँच गर्दा ब्राउन सुगर फेला परेपछि नियन्त्रणमा लिएको जिल्ला प्रहरी कार्यालय सिरहाले जनाएको छ।
लागूऔषध र मोटरसाईकल सहित निजहरुलाई नियन्त्रणमा लिई सिरहा जिल्ला अदालतबाट अनुसन्धानको लागि ७ दिनको म्याद थप गरिएको छ।
उनीहरुलाई ईलाका प्रहरी कार्यालय लहानमा राखि थप अनुसन्धान कार्य भई रहेको जिल्ला प्रहरी कार्यालय सिरहाले जानकारी गराएको छ।
