सिराहा ७ पुस। सिरहाको मिर्चैया कटारी जाने वाटोमा मोटसाईकल अनियन्त्रित भई दुर्घटना हुदा एक जनाको मृत्यु भएको छ । जिल्लाको मिर्चैया नपा ७ कटारी जाने सडक खण्डमा कटारीबाट मिर्चैया आउँदै गरेको प्रदेश २–०१–००३ प. ६९२२ नं. को मोटरसाइकल अनियन्त्रित भई दुर्घटना हुदा सवारी चालकको मृत्यु भएको हो । मिर्चैया नगरपालिका ७ लिखटोलका ३५ वर्षिय प्रविण तिवारीको टाउको, अनुहार र मुखमा चोट लागदा उपचारको लागी स्थानिय अस्पतालमा लाने क्रममा बाटोमै मृत्यु भएको इलाका प्रहरी कार्यालय मिर्चैयाले जनाएको छ । शवलाई पोष्टमार्टमको लागी प्रादेशिक अस्पताल सिरहा पठाइएको प्रहरीले जनाएको छ।