सर्लाही, २१ मंसिर। सर्लाहीमा घरको छतबाट खसेर एकजनाको मृत्यु भएको छ। जिल्लाको लालबन्दी नगरपालिका १, नवलपुर बजारमा मंगलबार राति घरको छतबाट खस्दा धनुषाको वीरेन्द्रबजार घरभई हाल नवलपुरस्थित सञ्जय साहको घरमा डेरा गरेर बस्ने ५० वर्षीय भरत लामाको छतबाट खसेर मृत्यु भएको हो।
मंगलबार साँझ घरको दोस्रो तलबाट खसेर गम्भीर घाइते लामाको उपचारका क्रममा राति नमुना अस्पताल हरिवनमा मृत्यु भएको प्रहरीले जनाएको छ।
कोठाको चाबी हराएपछि खोजी गर्ने क्रममा लामा साँझ ७ः३० बजेतिर अचानक छतबाट खसेको स्थानीयको भनाई रहेको छ। उनी वैदेशिक रोजगारीबाट दुई साताअघि मात्रै घर फर्केका थिए।
नमुना अस्पताल हरिवनमा रहेको मृतक लामाको शव बुधबार बिहान पोस्टमार्टमका लागि प्रादेशिक अस्पताल मंगलबार पठाएको छ। घटनाबारे थप अनुसन्धान भर्यरहेको प्रहरीले जनाएको छ।
