लहान, १४ मंसिर। उदयपुर प्रहरीले ६० केजी प्रतिवन्धित लाग औषध गाँजा सहित एक युवकलाई पक्राउ गरेको छ। कटारी नगरपालिका ६ साँगुरीबाट करिब ६० केजी गाँजा सहित ताप्ली गाउँपालिका २ धपनेका २७ वर्षीय सरोज राईलाई बुधबार बिहान प्रहरीले पक्राउ गरेको हो।
राईले ताप्लीबाट मिर्चैयातर्फ ३ वटा बोरामा उक्त परिमाणको गाँजा लैजादै गरेको अवस्थामा प्रहरी चौकी रिस्कुबाट खटिएको प्रहरीले फेला पारी पक्राउ गरेको जनाएको छ। घटनाबारे थप अनुसन्धान भईरहेको प्रहरीले जनाएको छ।
