वीरगञ्ज, ११ मंसिर। मोटरसाइकल दुर्घटनामा परी वीरगञ्जमा एक युवकको मृत्यु भएको छ। दुर्घटनामा परि घाइते वीरगञ्ज महानगरपालिका १२ मुर्लीका १९ वर्षीय साहिल हवारीको मृत्यु भएको हो।
शनिबार राति वीरगञ्ज वडा १४ नर्सिङ माविस्थित सडक खण्डमा मधेश प्रदेश ०३–०२७ प ००९८ नम्बको मोटरसाइकल अनियन्त्रित भई दुर्घटना भएको थियो ।
मोटरसाइकलमा सवार साहिल र २० वर्षीय सरताज अन्सारी घाइते भएका थिए। उनीहरुको उद्दार गरी वीरगञ्जकै स्पर्स मल्टी पर्पस हस्पटिलमा उपचारका लागि लगिएको थियो। उपचारकै क्रममा मोटरसाईकल चालक सहिलको मृत्यु भएको जिल्ला प्रहरी कार्यालय पर्साका सूचना अधिकारी डीएसपी दिपक गिरीले जानकारी दिए।
लास जाँच प्रकृति मुचुल्का लगायत अनुसन्धान कार्य सम्पन्न गरी शव पोष्टमार्टमका लागि नारायणी अस्पताल वीरगञ्जमा पठाइएको प्रहरीले जनाएको छ ।
