रौतहटको गौरमा आगलागी हुँदा तीन जना बालबालिकाको मृत्यु, तीन जना घाइते

साङ्केतिक फोटो।

रौतहट, ९ मंसिर। रौतहटको गौरमा आगलागी हुँदा तीन जना बालबालिकाको मृत्यु भएको छ। गौर नगरपालिका १ मा रहेको इस्लाम कपडा तथा सिरक डस्ना पसलमा गएराति भएको आगलागीमा परी रुक्सना खातुन, इमरान मन्सुरी र सबिला खातुनको मृत्यु भएको हो।

आगलागीमा परी थप तीनजना घाइते भएका छन्। घाइते ३ जनाको सदरमुकाम गौरमा उपचार भइरहेको प्रहरीले जनाएको छ। बिजुली सर्ट भएर आगो लागेको अनुमान गरिएको छ।

घटनाको थप जानकारी आउन बाँकी छ।