सिरहा, २८ भाद्र। सिरहामा हाईस र मोटरसाइकल आपसमा ठोकिदा मोरसाइकलमा सवार ३ जना घाइते भएका छन्। जिल्लाको गोलबजारस्थित एबी मल नजिक पूर्वबाट पश्चिम आउँदै गरेको स ७ प् २७१८ नम्बरको मोटरसाइकल र पश्चिबाट पूर्वजाँदैगरेको प्रदेश –०१–००६ ख ३०९८ हाइस आपसमा ठोकिदा मोटरसाइकलमा सवार गोलबजार नपा १ बलडाँडाका २१ वर्षिय बद्रीनारायण मोची, २७ वर्षिय संजय महरा र १९ वर्षिय सन्तोष राम घाइते भएका हुन्।
उनीहरु पैसा झिक्न बैंक आउँदै गरेको बेला अचानक मोटरसाइकलको टायर पञ्चड भई मोटरसाइकल अनियन्त्रीत हुँदा हाईसमा ठोकिन पुगेको इलाका प्रहरी कार्यालय गोलबजारका प्रमुख इन्सपेक्टर राजु केसीले जानकारी दिए।
घाएतेहरुको उपचार स्थानीय भूमीजा हस्पिटलमा भइरहेको छ। घाइतेमध्ये बद्रीनारायण मोचीको अवस्था गम्भिर रहेको भन्दै थप उपचारको लागि बिराटनगरको लागि रेफर गरिएको बताए।
