बर्दिवास, ७ भाद्र। महोत्तरी प्रहरीले प्रतिवन्धित लागु औषध गाँजा सहित एकजनालाई नियन्त्रणमा लिएको छ। प्रहरीले पूर्वपश्चिम राजमार्ग अन्तर्गत वर्दिवास १ बाट ४ किलो नियन्त्रित लागूऔषध गाँजा ओसारपसारमा सम्लग्न सर्लाही गोडैता ११ माधोपुरका २६ वर्षीय पिताम्बर साहलाई नियन्त्रणमा लिएको हो ।
जिल्ला ट्राफिक कार्यालय नजिक मंगलबार अपरान्ह आकस्मिक सवारी चेकजाँचका क्रममा गाँजा बरामद भएको इलाका प्रहरी कार्यालय बर्दिवासले जनाएको छ।
बर्दिवास प्रहरीका डीएसपी रवि रावलका अनुसार सर्लाहीबाट जनकपुरतर्फ जाँदै गरेको ग १ ख ९०३० नम्बरको महाकाली डिलक्स बसको तलासीका क्रममा अङ्ग्रेजीमा ‘टाइकून’ लेखिएको साहको झोलाबाट उक्त गाँजा फेला परेको थियो।
