फाईल फोटो।
बारा, ३ भाद्र। बरा प्रहरीले भरुवा बन्दुक सहित एक युवकलाई पक्राउ गरेको छ। जिल्लाको जितपुरसिमरा उपमहानगरपालिका १७ रामनगर गुम्बाटोलका ३० वर्षीय संजिव बललाई घरबाटै भरूवा बन्दुक १ थान र सोही बन्दुकमा प्रयोग हुने बेरिंङ ५ थान सहित आज शुक्रवार बिहान प्रहरीले पक्राउ गरेको हो।
उनको घरमा अवैध हतियार रहेको भन्ने बिशेष सूचनाको आधारमा प्रहरी चौकी जैतापुर र ईलाका प्रहरी कार्यालय सिमराबाट खटिएको प्रहरीले उनको घर अगाडि बनाएको छाप्रोमा लुकाई छिपाई राखेको अवस्थामा उक्त हातहतियार फेला पारी उनलाई पक्राउ गरेको हो।
यस सम्बन्धमा प्रहरीले आवश्यक अनुसन्धान गरिरहेको छ।
