सिरहा २८ साउन। सिरहाको बिष्णुपु बजारमा एक किराना पसलमा आगलागी हुँदा ५० लाख मूल्य बराबरको धन–माल जलेर नष्ट भएको छ। विष्णुपुर गाउँ पालिका १ मा रहेको स्थानीय अमर यादवको किराना पसलमा गएराती आगलागी हुँदा पसलमा रहेको समान, नगद र घरमा पुगेको क्षति सहित करिव ५० लाखबराबरको क्षति भएको हुनसक्ने प्रारम्भिक अनुमान रहेको छ।
पसलमा रहेको सामान, पसल रहेको घर क्षति सहित ५० लाखको क्षतिभएको प्रारम्भिक अनुमान भएपनि विवरण सहित निवेदन ल्याएपछिमात्र क्षति यकिन हुने जिल्ला प्रहरी कार्यालय सिरहाका निमित्त सूचना अधिकारी इन्सपेक्टर रामचन्द्र साहले जानकारी दिए।
घर भाडामा लिएर किराना पसल चलाउँदै आइरहेको यादवको किराना पसलमा विधुत सर्ट भएर आग्लागि भएको हुन सक्ने प्रहरिको अनुमान छ।
पसलमा कोही नवस्ने भएकोले गस्तीमा रहेको प्रहरीले आगो लागेको देखेपछि पसले र दमकललाई खवर गरेको बताइएको छ।
आगो स्थानीय प्रहरी, गोलबजार र सिरहाबाट गएको दमकलको सहयोगमा नियन्त्रणमा लिएको थियो।
