धनुषामा यात्रिकोकेको बस दुर्घटना, पाँच जना घाइते

जनकपुर २३ साउन। पूव–पश्चिम राजमार्ग अन्तर्गत धनुषाको गणेशमान चारनाथ नपा १ विरेन्द्र बजार नजीक सोमबार बिहान रात्री बस दुर्घटना हुँदा पाँच जना गम्भीर घाइते भएका छन्।

काठमाडौंबाट काँकडभिट्टा गइरहेको प्रदेश ३–०१–००५ ख ९७२१ नम्बरको रात्री बस सोमबार बिहान दुर्घटना हुँदा बसमा सवार अन्य १५ जना सामान्य घाइते भएका छन्।

बस दुर्घटनामा परी पाँच जना गम्भीर घाइते र १५ जनालाई सामान्य चोटपटक लागेको इलाका प्रहरी कार्यालय ढल्केवरका प्रहरी निरीक्षक रामसागर सिंहले जानकारी दिए।

गम्भीर घाइते भएकाहरुलाई जनकपुरधामस्थित प्रादेशिक अस्पतालमा उपचारका लागि पठाइएको र सामान्य घाइते भएकाहरुको स्थानीय स्वास्थ्य उपचार केन्द्रमा उपचार भइरहेको छ।