वीरगञ्ज, २१ साउन। सशस्त्र प्रहरी पर्साले वेवारिसे अवस्थामा रहेको २४० केजी प्रतिवन्धित लागुऔषध गाँजा बरामद गरेको छ। जिल्लाको बहुदरमाई नपा ७ विश्रामपुर छप्कैयास्थित बाल निकेतन इङ्गलिस बोर्डिङ्ग स्कूलको पुरानो भवन पछाडी झाँडीमा हरियो घाँस र कर्कलोको पातले छोपेर राखेको भन्ने सूचनाका आधारमा पुगेका प्रहरीले गाँजा बरामद गरेको हो।
विशेष सूचनाको आधारमा गणबाट खटिएको ७ जनाको टोलिले गाँजा बरामद गरी आवश्यक कार्वाहीको लागि जिल्ला प्रहरी कार्यालय पर्पालाई बुएको सशस्त्र प्रहरी बल नेपाल नम्वर १३ गण हेड क्वार पर्साका सूचना अधिकारी सहायक प्रहरी नायम उपरीक्षक सन्तोष कुमार बस्नेतले जानकारी दिए।
गाँजा कसले किन त्यहाँ राखेको भन्ने अझै खुलेको छैन। यसबारे आवश्यक अनुसन्धान भईरहेको प्रहरीको भनाई रहेको छ।
