सर्लाही, १३ साउन। सर्लाही बरहथवा नपा १० सीतापुरमा टिपरको ठक्करबाट मोटरसाइकल चालकको मृत्यु भएको छ। बागमती प्रदेश ०३–००१ क ०१९६ नम्बरको टिपरले ना. २१ प. ७४०१ नम्बरको मोटरसाइकललाई शुक्रवार विहान ठक्कर दिँदा मोटरसाइकल चालक रौतहट ईशनाथ नगरपालिका ५, लक्ष्मीनियाँको २६ वर्षीय मुकेश साहको मृत्यु भएको हो।
विपरित दिशाबाट आईरहेको टिपरले ठक्कर दिँदा मोटरसाइकल चालक साहको घटनास्थमै मृत्यु भएको जिल्ला प्रहरी कार्यालय सर्लाहीका सूचना अधिकारी डीएसपी विजय यादवले जानकारी दिए।
ठकरदिने टिपरका चालक र टिपर प्रहरीको नियन्त्रणमा रहेकोे छ। शव पोष्टमार्टमको लागि जिल्ला अस्पताल लगिएको छ। घटनाबारे प्रहरीले थप अनुसन्धान गरिरहेको छ।
