काठमाडौं, ३ असार। बिध ल्याबका सञ्चालक भीमकान्त भण्डारीविरुद्ध अख्तियार दुरुपयोग अनुसन्धान आयोगले भ्रष्टाचारको मुद्दा दायर गरको छ।
सरकारी जागरिबाट स्वेच्छिक अवकाश लिएर कोरोना महामारीका बेला उनी मेडिकल क्षेत्रको व्यापारमा लागेका थिए।
तर उनको खर्च तथा लगानी (व्यय) तर्फ जग्गा खरिद, विभिन्न बैंक र हाइड्रोपावर कम्पनीको शेयर खरिद र विभिन्न बैंकको मौज्दातसमेतसहित ६ करोड ५० लाख ६५ हजार ६४२ रुपैयाँ ५३ पैसा खर्च तथा लगानी देखिएको अख्तियारको अनुसन्धानबाट खुलेको छ।
उनले गरेको कुल आम्दानी २६ लाख ६१ हजार ६३६ रुपैयाँ ९ पैसाबाट कुल खर्च तथा लगानी व्यय .६ करोड ५० लाख ६५ हजार ६४२ रुपैयाँ ५३ पैसा घटाउँदा ६ करोड २४ लाख ४ हजार ६ रुपैयाँ ४४ पैसाको खर्च तथा लगानीको स्रोत नखुलेको अख्तियारले ठहर गरेको छ।
अख्तियारले भण्डारीको नाममा रहेको सम्पत्तिबाट ६ करोड ६ लाख ४१ हजार ८१३ रुपैयाँ ९१ पैसो अपुग बिगो तथा उनको एकल स्वामित्त्वका कम्पनीको बैंक मौज्दातबाट १७ लाख ६२ हजार १९२ रुपैयाँ ५३ पैसासहित ६ करोड २४ लाख ४ हजार ६ रुपैयाँ ५५ पैसा जफत गर्नसमेत माग गर्दै मुद्दा चलाएको हो। नेपालखवरबाट।
