फाईल फोटो।
सिरहा, २ असार। सिरहा प्रहरीले २७ केजी प्रतिवन्धित लागु औषध गाँजा सहित एक थान मोटरसाइकल बरामद गरेको छ। विशेष सूचनाको आधारमा प्रहरीले सुखिपुर नपा ८ बाट वितेराती ३ वटा बोरामा रहेको २७ केजी गाजाँ र मोटरसाइकल बरामद गरेको हो।
गस्तीमा रहेको प्रहरीलाई देखेर मोटरसाइकल र गाँजा छोडी भागेको हुन सक्ने जिल्ला प्रहरी कार्यालय सिरहाका सूचना अधिकारी डीएसपी सुवास बुढाथोकीले जानकारी दिए।
प्रहरीले नियन्त्रणमा लिएको मोटरसाइकलको आधारमा घटना अनुसन्धान गरिरहेको जनाएको छ। अनुसन्धानमा असरपर्ने भन्दै मोटराइकल नम्वरभने प्रहरीले खुलाउन चाहेनन्।
गाँजा नेपालबाट भारततर्फ विक्रिको लागि हुनसक्ने अनुमान गरिएको छ। यस अघिपनि उदयपुरको विभिन्न स्थानबाट जम्मा गरेको गाँजा धनगढीमाई नपाहुँदै भारत जानेगरेको बताइन्छ।
