बर्दिवास, २७ जेष्ठ। बिपी राजमार्गअन्तर्गत महोत्तरी जिल्लाको बर्दिबास नगरपालिका ३ मा गए राति मोटरसाइकल दुर्घटनामा एक जनाको मृत्यु भएको छ भने एक जना गम्भीर घाइते भएका छन्। सिन्धुलीबाट सर्लाहीको लागि आउँदै गरेको ना.५४ प ८९५४ नम्बरको मोटरसाइकल बर्दिबास नपा– ३ भोगटे पुलमा आफै अनियन्त्रित भई दुर्घटनाहुँदा सर्लाही ईश्वरपुर नगरपालिका ३ का २६ वर्षीय सूर्यकुमार मिस्त्रीको मृत्यु भएको हो।
मोटरसाइकल चालक सोही ठाउँ बस्ने २५ वर्षीय निरज मिस्त्री गम्भीर घाइते भएका छन्।
दुर्घटनामा परी गम्भीर घाइते भएका दुवैलाई प्रहरीले उपचारको लागि जनसेवा अस्पताल बर्दिवास ल्याएका थिए। सूर्यको उपचारको क्रममा मृत्यु भएको प्रहरीले जनाएको छ।
निरजको उपचार अझै पनि सोही अस्पतालमा भइरहेको छ भने सूर्यको शव पनि सोही अस्पतालमा रहेको जनाइएको छ।
