रक्सौल बिमानस्थल सञ्चालनका लागि प्रतिवेदन माग, नेपालीहरु लाभान्वित हुने विश्वास

    • जेठ ४, २०७९
    • 78 पटक पढिएको
    • गमक पाेस्ट

    वीरगञ्ज ३ जेठ । सिमावर्ती शहर रक्सौलमा रहेको बिमानस्थल सञ्चालनका लागि भारत सरकारले जिल्ला अधिकारीसँग प्रतिवेदन माग गरेको छ । प्रदेशका मुख्य सचिवले प्रदेशका विमानस्थल बिस्तारका विषयमा बरिष्ठ अधिकारीसँग बैठक बसेर रक्सौल बिमानस्थल सञ्चालनको विषय उठान गरेपछि भारत सरकारले सञ्चालनका लागि पहल थालेको हो ।
    १५४ एकड क्षेत्रफलमा फैलिएको हरैया गाउँको सिमानामा रहेको यो विमानस्थल सञ्चालन भएमा नेपाली नागरिक यसबाट लाभान्वित हुने छन् । वीरगञ्जसँग सीमा जोडिएको हुँदा अहिले भारतको दिल्ली जाने यात्रुका लागि काठमाण्डौ जानुपर्ने बाध्यता हट्ने विश्वास गरिएको छ । करिब दुई किलोमिटर लम्बाई र एक किलोमिटर चौडाई क्षेत्रफलमा फैलिएको बिमानस्थल बाहिर एसएसबी १३ औं गणको बीओपी पनि रहेको हुँदा सुरक्षाका दृष्टिले पनि उपयुक्त मानिन्छ ।

    सरकारको लापरवाहीका कारण उडान रोकियो

    सन् १९६० मा निर्माण भएको रक्सौल बिमानस्थल सन् १९६२ सम्म क्रमिक रूपमा मर्मतसम्भार जारी रहेको थियो । रक्सौल, मुजफ्फरपुर र भागलपुरका लागि सन् १९६८ मा कलिङ्गा हवाई सेवा शुरु भएको थियो तर सरकारको उदासीनताका कारण सन् १९७० देखि उडान भएको छैन । यद्यपी सन् २०११ अगस्त ६ मा दिल्लीबाट यहाँ अन्तिम एअर एम्बुलेन्स अवतरण भएको थियो ।

    पूर्वी चम्पारणका जिल्ला अधिकारी कपिल अशोकले रक्सौल विमानस्थल सञ्चालनका लागि पहल भइरहेको बताए । एक साताभित्र प्रदेश सरकारलाई प्रस्ताव पठाइने र थप प्रक्रिया शुरु गर्ने उनको भनाई छ ।

    विद्युतीय विमान सेवा सुरु गर्ने प्रयास

    सन् २०२४ देखि मुजफ्फरपुरको पटही विमानस्थलबाहेक रक्सौलबाट पनि विद्युतीय विमान सेवा सुरु हुन सक्ने सम्भावना देखिन्छ । पिफोर कम्पनीका निर्देशकले हालै उपमुख्यमन्त्री तारकिशोर प्रसादलाई रक्सौलमा विद्युतिय बिमान सेवा शुरु गर्ने बारेमा पत्र लेखेका छन् । विमान सेवा सुरु गर्नुअघि विमानस्थल र धावनमार्ग मर्मत गर्न आग्रह गरिएको छ । कम्पनीका निर्देशक सुनिल कुमारले स्पाइसजेट एयरलाइन्ससँग मिलेर कम्पनीले २०२४ मा विद्युतीय विमान ल्याउन लागेको बताए । नागरिक उड्डयन मन्त्रालयले पाइलट प्रोजेक्टका रूपमा दुवै विमानस्थलबाट हवाई सेवा सुरु गर्ने अवसर दिएको छ । दुवै विमानस्थलको पीपीपी (पब्लिक प्राइभेट पार्टनरसिप) मोडमा छिट्टै मर्मत गर्नुपर्छ ।

     

    रामेछाप बस दुर्घटनाम ...

    फोटो : अकोक दोङको फेसबुकबाट। काठमाडौं, २१ असार। रामेछ ...

    सर्लाहीको वनमा गाडेक ...

    सर्लाही, २१ असार। सर्लाहीको वनक्षेत्रमा गाडेको अवस्थामा ...

    छोरी शिक्षा विमा फार ...

    जनकपुर २० असार। मुख्यमन्त्री लालबाबु राउतले मुख्यमन्त्र ...

    मधेस प्रदेश : ‘असारे ...

      जनकपुर, २० असार। मधेस प्रदेशको प् ...

    सम्पर्क

    गमक मिडिया हाउस प्रा.लि. द्वारा सञ्चालित गमक पोष्ट अनलाईन

    • गोलबजार नपा ४, सिरहा
    • मोवाईल : ९८५२८२८६५७
    • www.gamakpost.com
    • इमेल : [email protected]
    • सूचना विभिाग दर्ता नं. : ३१२४-२०७८/७९

    हाम्रो बारेमा

    • अध्यक्ष/कार्यकारी सम्पादक : आशे कुमार विश्वकर्मा ‘आशिष’
    • प्रवन्ध निर्देशक : मुकेश कुमार यादव
    • सम्पादक : श्याम खनाल