रौतहट, १० चैत । रौतहट प्रहरीले आफ्नै भाउजु हत्या अभियोगमा एक युवकलाई नियन्त्रणमा लिएको छ । फतुवा विजयपुर नगरपालिका २ शितलपुरकी ४० वर्षिय रामकुमारी देवीको हत्या अभियोगमा उनकै देवर ३५ वर्षीय बिन्दा महतोलाई प्रहरीले पक्राउ गरेको हो ।
पुरानो रिसिवीको कारण चैत ४ गते राति बिन्दाले बाँसको लाठीले हिर्काउदा गम्भीर घाइते रामकुमारीको विरगञ्जमा उपचार भईरहेको थियो । उपचारकै क्रममा आज उनको मृत्यु भएको प्रहरीले जनाएको छ । घटनाको सम्बन्धमा प्रहरीले थप अनुसन्धान गरिरहेको छ ।