सिरहा ६ पुस । सिरहा गोलबजार नगरपालिका ६ डोहटिया छुरा प्रहारबाट हत्या घटनामा संलग्न रहेको आरोपमा प्रहरीले दुई जनालाई पक्राउ गरेको छ । शनिवार बेलुका गोलबजार नगरपालिका ६ डोहटियाका २६ वर्षीय रामकुमार सदायको हत्यामा संलग्न रहेको आरोपमा प्रहरीले दुईजनालाई पत्राउ गरेपनि उनीहरुको परिचयभने खुलाएको छैन ।
प्रहरीले अनुसन्धानमा बाँधा पुग्ने भन्दै उनीहरुको परिचय तत्काललाई गोप्य राखिएको जनाएको छ । बाँकीको खोजी कार्य भईरहेको जिल्ला प्रहरी कार्यालय सिरहाका सूचना अधिकारी सुवास बुढाथोकीले जानकारी दिए ।
छुरा प्रहारबाट १९ वर्षिय निकेश घाइते भएको छ । उनको स्थानीय स्वास्थ्य केन्द्रमा उपचार भईरहेको छ ।
रामकुमारको शव पोष्टमार्टम पछि आज दाहासंस्कार गरिएको छ । पीडित परिवारलाई ५ लाख क्षेतिपूर्ति दिने र घटनामा संलग्नलाई चाँडो पक्राउ गरी कानुनि दायरामा ल्याउने स्थानीय प्रशासनको प्रतिबद्धता पछि आज शव बुझेर दहासंस्कार गरिएको स्थानीय युवा शिवसरण सदायले जानकारी दिए ।
