फाईल फोटा ।
सिरहा, २७ मंसिर । सिरहाको धनगढीमाई नपामा खसीचोरको विगविगी भएको छ । पछिल्लो दुईमहिनाको अवधिमा ७ वटा खसी चोरी भईरहेको छ ।
रातको समयमा मोटरसाइकल तथा जिपमा आएका चोरहरुले गोठबाटै खसि चोरेर लग्ने गरेको स्थानीय महेश्वर श्रेष्ठले जानकारी दिए । विहिवार राती धनगढीमाई नपा १२ मगरटोलका लक्ष्मी जर्धा मगरको घरबाट करिव १७ र २५ केजीको २ वटा खसी चोरेर लगेको छ । उनी एकल महिला हुन् । उनको मुख्य आयस्रोत नै बाख्रा पालन रहेको बताइएको छ ।
यस अघि धनगढीमाई नपा १३ तितुङटोेलका सूर्य तितुङ, सोमे मोक्तान, भर्लेनीका दिपक खड्का, एमनाथ गेलाल र नायक तामाङ्गको खसि चोरी भएको स्थानीय जनाएको छ । चोरी भएका सवैखसीहरु २५ केजीभन्दा माथि वजन रहेको जनाएको छ ।
पटक पटक खसि चोरी भएपछि स्थानीय प्रहरीलाई खवर गरेपनि चाँसो नदेखाएको गाउँलेको गुनासो छ । विहिवार खसी चोरी भएको घरभन्दा दुईसय मिटरको दुरीमा प्रहरी चौकी रहेको छ ।
