फाईल फोटो ।
रौतहट, १ पुस । रौतहट प्रहरीले नक्कली नेपाली नोट सहित दुई भारतीय युवकलाई पक्राउ गरेका छन् । परोहा नगरपालिका ८ नरकटियाबाट ६९ हजार ५ सय नक्कली नेपाली रुपैयाँ सहित भारत बिहार मोतिहारीका २६ वर्षीय बिकाश जयसवाल र ३२ वर्षीय अजय प्रसाद लाई पक्राउ गरेका हुन् ।
बीआर ०५ के ३६३६ नम्बरको मोटर साइकललाई प्रहरी चौकी मोतिपुर नरकटियाबाट खटिएको प्रहरीले जाँच गर्ने क्रममा १ हजार दरको ६९ थान र ५ सय दरको १ थान नक्कली नोट सहित दुवैजनालाई नियन्त्रणमा लिएको रौतहट प्रहरीले जनाएको छ ।
यस सम्बन्धमा प्रहरीले थप अनुसन्धान गरिरहेको जनाएको छ ।
