इलाम, ३० कात्तिक । इलामको सन्दकपुर गाउँपालिका १ चापगैरीमा भाईले गरेको चक्कुप्रहारबाट दाजुको मृत्यु भएको छ ।
मदिरा सेवनको क्रमा सोमबार बेलुकी दाईभाई विच विवाद भएपछि भाइ चक्र मुखियाले गरेको चक्कु प्रहारबाट दाजु इच्छा मुखियाको मृत्यु भएको हो ।
काका मानबहादुर मुखियाको घरमा बसेर मदिरा सेवनको क्रममा दाजुभाईविच विवादका क्रममा विवाद बढेपछि भाइले चक्कु प्रहार गरेको जिल्ला प्रहरी कार्यालय इलामका प्रहरी नायव उपरीक्षक गंगाबहादुर थापाले जानकारी दिए ।
चक्कु प्रहार गरी दाजुको हत्या गरेको आरोपमा प्रहरीले चक्रलाई चक्कुसहित नियन्त्रणमा लिएको छ । घटनाबारे थप अनुसन्धान भईरहेको प्रहरीले जनाएको छ ।