गमक पोष्ट समाचारदाता / लहान , ३ असोज । मैथिली, नेपाली , हिन्दी लगायतका स्थानीय भाषाका गीतहरुमा प्रमुख पात्रको भुमिका निर्वाह गरिसकेका चर्चित पात्र (मोडेल) महेश सेन्चुरीको नयाँ म्युजिक भिडियो सार्वजनिक भएको छ । ‘चाईट्लिय ओ हमर राजा’ नामक भिडियो बजारमा आएका छन् ।
मैथिली भाषाका परिचित गायक सरोज सन्त, चन्द्र नारायण सिंह (दनुवार) , गायिका मुनचुन देवको स्वरमा सजिएको उक्त गित सार्वजनिक भएको हो । लहान रेकर्डिङ्ग स्टुडियोले म्युजिक दिईएको उक्त गित युवट्युब च्यानलमा चर्चा पाएको छ ।
सो मैथिली टप आईट्म संङ्गको गितमा कलाकार महेश सेन्चुरी, प्रीती पासवान, चन्द्रनारायण सिंह (दनुवार), रमेश विश्वकर्मा, कपिल दयाली लगायतका कलाकारले भुमिका निर्वाह गरेका छन् ।
सिरहाको लहान नगरपालिका १५ घर भई हाल लक्ष्मिपुर पत्तारी गाउँपालिका ४ पत्तारी बजारमा सुन चान्दी व्यबसाय गर्दै आईरहेको सेन्चुरीले मैथिली गित ‘टुकुर टुकुर देखैची किया’, ‘हमर दिल मे यहाँ , यहाँ के दिलमे हम’ लगायतका दर्जनौ म्युजिक भिडियो र सर्ट मुभी सिरियलहरुमा मुख्य पात्रको रुपमा भुमिका निर्वाह गरेर चर्चामा आएका छन् । सेन्चुरी दिन दुखिको सेवा गर्न समाजसेवामा पनि सक्रिय ब्यक्ति भएको बुझिएको छ ।
