गमक पोष्ट समाचारदाता / विराटनगर, २१ भदौ । संखुवासभामा एकै परिवारका ६ जनाको हत्या भएको छ । मादी नगरपालिका–१, खोला गाउँका बौद्धमान कार्कीकी श्रीमती ८० वर्षीया पावर्तता कार्की, उनका छोरा ५८ वर्षीय तेजबहादुर कार्की र उनकी श्रीमती ५६ वर्षीया मनमाया कार्की, २८ वर्षीया बुहारी रञ्जना, नाती १० वर्षीय दीपक र नातिनी पाँच वर्षीया गोमाको हत्या भएको हो ।
घरका सवैको बताउँदै जिल्ला प्रहरी कार्यालय, संखुवासभाका प्रमुख डीएसपी लालध्वज सुवेदीले ८९ वर्षीय बौद्धमान कार्की जिमितै भेटिएको जानकारी दिए ।
डीएसपी सुवेदीका अनुसार बिहान छिमेकीले हत्या भएको अवस्थामा देखेपछि प्रहरीलाई खबर गरेका थिए ।
उनीहरुलाई धारिलो हतियार प्रयोग गरी हत्या भएको डीएसपी सुवेदीले जानकारी दिए ।
घटनाबारे सूचना पाउना साथ प्रहरीको टोली घटनास्थलतर्फ लागेको उनले बताए । ‘६ जना मृत अवस्थामा भेटिएको जानकारी पाएलगत्तै प्रहरीको टोली घटनास्थलतर्फ गएको छ,’ उनले भने, ‘हत्याबारे थप अनुसन्धान हामीले अघि बढाएका छौँ ।’
