गमक पोष्ट समाचारदाता / सिरहा, १ भदौ । सिरहा प्रहरीले प्रीतवन्धित लागुऔषध सहित २ जना युवकलाई नियन्त्रणमा लिएको छ । ईलाका प्रहरी कार्यालय गोलबजारबाट खटिएको प्रहरी टोलीले गोलबजार नगरपालिका ३ गागन पुलमा चेकजाँचको क्रममा जिल्लाकै बरियारपट्टी गाउँ पालिका ३ का २२ वर्षिय प्रमोद कुमार यादव र सुखिपुर नगरपालिका १० का २८ वर्षिय धनजित यादवलाई लागुऔषध सहित निन्त्रणका लिएको हो ।
उनीहरुको साथबाट नाईट्रोभेट ट्याबलेट ९ सय थान, उनीहरु सवार मोटरसाइकल एक थान र ३ हजार ३ सय ४६ रुपैयाँ बरामद गरेको जिल्ला प्रहरी कार्यालय सिरहाले जनाएको छ । उनीहरुलाई इलाका प्रहरी कार्यालय गोलबजारमा राखेर अनुसन्धान गरिरहेको जनाएको छ ।
