सुरेश राय / सिरहा, ५ जेष्ठ । प्रहरीले सिरहा नपा १७ वटेर्वाबाट एक थान कटुवा पेस्तोल बरामद गरेको छ । स्थानीय २७ वर्षिय धिरु यादवले गउँमा मादक पदार्थ सेवन गरी हो–हल्ला गरेको खवर पाएर पुगेका प्रहरीलाई देखेर भाग्ने क्रममा उनको साथबाट खसेको खाली कटुवा पेस्तोल आज अपरान्ह प्रहरीले बरामद गरेको हो ।
यादवभने फरार भएका छन् । प्रहरीले सशंकित व्यक्तिको खोजतलास जारी रहेको जनाएको छ । घटनाको सम्वन्धमा प्रहरीले थप अनुसन्धान गरिरहेको जिल्ला प्रहरी कार्यालय सिरहाका प्रवक्ता शालिग्राम शर्माले जनाएको छ ।
