विनय यादव / सिरहा २१ चैत । साना शहरी खानेपानी तथा सरसफाई उपभोक्ता संस्था मिर्चैयाको निर्वाचनको मतगणना जारी छ । हिजो राती १० बजेपछि शुरु भएको मतगणनाको आज विहान ७ बजेको परिणाम अनुसार अंजय साह नेतृत्वको प्यानल फराकिलो मतान्तरसहित अग्र स्थानमा देखिएका छन् ।
निर्वाचन समितिले दिएको पछिल्लो जानकारी अनुसार बुथ ुकु को वडा ४ र ५ मत गणना भइसक्दा अध्यक्षका उम्मेदवार अंजय साहले ३५७ मत प्राप्त गरेका छन् भने राजेन्द्र साहले २४१ मत प्राप्त गरेका छन् । त्यस्तै, रामलोचन साहले ७६ मत पाएका छन् भने दिलिप साहले पनि ७६ मत प्राप्त गरेका छन् ।
अन्य पदहरुमा पनि अंजयकै प्यानल अगाडी छ । चुनावमा अंजय र राजेन्द्रबीच कडा प्रतिस्पर्धा हुनसक्ने अनुमान गरिएपनि पछिल्लो रुझान हेर्दा अंजय फराकिलो मतान्तरसहित अगाडी छन् ।
वडा ४ र ५ को बुथ ुकु को बाकसको मतगणना हुँदा उनीहरूको बीचमा झण्डै ११६ मतको मतान्तर छ । अहिले वडा ६ को बुथ ुखु को मतगणना भइरहेकोे छ । त्यसपछि वडा ७ र ८ को बुथ ुगु को बाकस खोलिने निर्वाचन अधिकृत कृष्ण कुमार निरौलाले जानकारी दिए ।
