सिरहा, २७ कात्तिक। गोलबजार एफसी शहिद स्मारक ‘सी’ डिभिजन लिगको छनौट प्रतियोगितामा सुनाकोठी सिटी एफसीलाई परानीत गर्दै सेमिफाइनलमा प्रवेश गरेको छ। ललितपुरको सातदोबाटोस्थित एन्फाको खेल मैदानमा शनिबार भएको समूह १ अन्तर्गत नकआउट चरणको खेलमा सुनाकोठी सिटी एफसीबिरुद्ध ३–२ गोलको रोमाञ्चक जित निकाल्दै गोलबजार अन्तिम चारमा पुग्न सफल भएको हो।
एन्फाले यस वर्षको सी डिभिजन लिग छनौटमा सहभागि ६० क्लबलाई २० समूहमा विभाजन गरेको थियो।
जसअन्तर्गत प्रत्येक समूहमा ३ क्लब परेका परेका थिए।
समूह चरणको खेलबाट प्रत्येक समूहको विजेता टोलीले नकआउट चरणमा स्थान बनाएका थिए ।
नकआउट चरणमा प्रवेश गरेका २० टोलीलाई पनि २ समूहमा विभाजन गरिएको छ।
नकआउट चरणपछि दुई समूहका विजेता क्लब ‘सी’ डिभिजन लिगमा छनोट हुनेछन्।
